Gemengewal 2023

Fir déi di mech nach net kennen, méin Numm ass Jean-Luc Kuhlmann hunn 50 Joer an wunnen zu Altwis an sinn elo 8 Joer hannert eneen am Gemengerot. Meng Zieler bleiwen di nämmlecht wie di Joren virdrun. Eng transparent Politik am géigensäitege Respekt, den Verkéier den Iwwerhand hëlt, Digitalisatioun, an Infrastrukturen an eiser Ge-meng ze moderniséieren an ze valoriséieren ouni dass d’Käschten aus dem Rudder lafen.

Mäin Numm ass Gilles Gengler, 41 Joer an ech schaffen als Investment-Beroder bei enger Bank. Ech wunnen zu Munneref an sin och hei opgewuess.

D’Sécherheetsgefill an eiser Gemeng huet déi lescht Joren staark ofgeholl. Als Grenz-Gemeng brauch Munneref onbedéngt rëm een Police-Kommissariat respektiv Policebüro. Eng lokal Police-Präsenz ass wichteg fir d’Präventioun an géif eis Liewensqualitéit verbesseren.

Als aktiven Member vum Munnerefer Futtball, leien mir eis Veräiner besonnesch um Häerz. D’Veräiner halen eis Gemeng zesummen an sinn wichteg fir Jonk an Al. D’Aktivitéiten vun villen Veräiner huet wärend der Corona-Pandemie gelidden, dofir mussen eis Clibb an den Benevolat weider ënnerstëtzt gin.

Méi Numm ass Frank Reuter, 53 Joer, ech hunn 2 Kanner déi am Ausland studéieren, wunnen zu Munneref an sinn Pilot bei der Luxair wou ech och Personaldelegeierten sinn. Ech sinn hei opgewuess an interesséieren mech fir d’Entwécklung vun eiser Gemeng. Besonnesch um Häerz leit mir d’Natur  an d’mobilité douce. Nach ëmmer ass Munneref un keng Vëlospiste ugebonnen, an dofir well ech mech engagéieren fir eis Uertschaften an hir Wunnveierel besser ënnereneen an bis an d’Stad ze verbannen.